JISU NO KOSOL
Kaitorni kokthai le ano tlango Subrai Jisuo
Kerong ano sotonwi khiklaio Jisuni khurio (x2)
O phola k’thar chubadi ano
Jisu no kosol khlaiwi swnamdi ano
Jisu no kosol khlaiwi tlangdi ano
Stanza :
Lama kotor kwbangma bwskango himthogo
Sakni muchungma ani yapri no phemlogo (x2)
Dugar kesep twi himnani Jiu se phwrwngo
Sakni krusno twi himnani Subrai se dagio
Jisu hai wngnani ani kha muchungmani (2)
O phola k’thar chubadi ano
Jisu no kosol khlaiwi swnamdi ano
Jisu no kosol khlaiwi tlangdi ano
Bridge:
Jisu ni krus no ang yakbai romhorwi de mano?
A krusno ang kwbagwi motom suhor de mano
Krimasingsa sumsok ani sabo susai mano?
Kaitorni khano kochom rwsugwi sabo mano?
Kahamkuk Jisu hai sajla sabo tong!
Ano hamjaksuknai Kaitor
Mwrwknai kaham Jisu hai sabo tong!
Ano khairoksuknai Kaitor
O phola k’thar chubadi ano
Jisu no kosol khlaiwi swnamdi ano
Jisu no kosol khlaiwi tlangdi ano
Comments
Post a Comment